Niels hevur fingið nýggjan Gibson gittara

Niles Galan hevur eftirhondini spælt tónleik í ein mansaldur. Fyrsta útgávan, Viva la Republica, hjá bólkinum 200, har Niels er oddamaður, kom út í 2001, og síðani er tað blivið til seks útgávur.

Tann seinasta, Reytt pass, kom út í 2016, og nú er upp á tíðina, at 200 fara í upptøkuhøli aftur, heldur Niels - uttan at koma nærri inn á, nær tað ítøkiliga verður. Sum skilst á lagnum, kann tað verða knappiliga og spontant.

Vit práta í innslagnum um tónleik og sjálvandi eisini gittarar, sum er passiónin hjá Niels. Hann hevur júst keypt sær ein lekkran Gibson Firebird. Nú er hesin blivin høvuðsgittarin, og harvið myndar hann ljóðið hjá 200.

Tann væl kendi punkuti telecastarin frá 1977 við øllum klistrimerkjunum, sum Niels einaferð keypti fyri 3000 krónur frá einum suðuroyingi, liggur nú í kjallaranum og savnar dust. Vikuskiftissendingin var á gátt hjá punkaranum á Tinghúsvegnum.