Eitt asfaltverk aftrat á Sundi

Eitt felag undir stovnan í Havn ætlar at byggja nýtt framkomið asfaltverk á havnarlagnum á Sundi.

Havnarnevndin í Tórshavnar býráð hevur givið loyvi til at byggja verkið, sigur formaðurin í havnarnevndini, Kári Johansen, og ætlanin er at tað skal berast skjótt at.

Havnarnevndin hevur ikki tosað við Landsverk, sum eigur asfaltverkið, sum longu er á Sundi.

Tað verkið hevur loyvi at virka har til 2024, og tá verða somu krøv sett til tað verkið, sum nýggja asfaltverkið skal lúka, sigur Kári Johansen.

Hoyr innslag í útvarpstíðindunum. 

Staðbundnu limirnir í kaldbaksnevndini mótmæla ætlanini um at byggja eitt asfaltverk aftrat á Sundi. Teir mæla í staðin til at gera heildarætlan fyri Sund við ongum asfaltverki.

- Talan er um eitt verk við dálkandi evnum og lukti, sum bara verður um 300 metrar frá bygdum øki - bóndagarðinum á Sundi - og um 900 metrar frá næstu húsunum á Fløtum í Kaldbak. Og tað kunnu vit ikki góðtaka, siga Jóhann Mortensen, Ingi á Smið og Teitur í Sjúrðargarði í hoyringarskrivi um asfaltverkið