Vilja hava landsstýrismannin at verja lundan

Yvirfriðingarnevndin heitir á Helga Abrahamsen, landsstýrismann í umhvørvismálum, um at koma við einari friðingarkunngerð at verja lundan í Mykinesi.

Landsstýrismaðurin er sannførdur um, at okkurt skal gerast fyri at verja lundan, men støða er ikki tikin til, um hann kemur við eini friðingarkunngerð, tí Yvirfriðingarnevndin kann sjálv verja lundan í Mykinesi.

Mykinesfólk hava avgjørt, at í ár verður eingin gongd gjøgnum Lamba, nú Landsverk hevur boðað frá, at nýggj brúgv út í Mykineshólm verður gjørd í summar.

Ferðafólk sleppa tí bara út á Rógvu, haðani gott útsýni er yvir lundalandið og Mykineshólm.

Hoyr innslag í útvarpstíðindunum.