Sum blomman í egginum

Fyri 11 árum síðani keypti Jónas Bloch Danielsen ein gulan og hvítan seglbát, og upplagda navnið var "Speileggið". Báturin verður brúktur sum frítíðarítriv. Og hann gongur væl, sigur Jónas. Páhangsmotorurin er hentur at hava, tá báturin skal leggja at, men úti á opnum havi er tað seglið, sum er álitið. Jónas hevur siglt um hav við Speilegginum saman við einum góðum vinmanni, og tað klárar báturin væl, tí hann er gjørdur upp á gamla mátan við tjúkkum glastrevjaskrokki. Men hendan dagin brúkti Jónas saman við soninum Braga, sum dámar væl at sigla saman við pápa sínum.