Góðar umstøður skulu lokka námsfrøðingar til Eiðis

Á Eiði fara námsfrøðingar og hjálparfólk við námsfrøðiligari ábyrgd at fáa tríggjar tímar eyka um vikuna til fyrireiking og eftirmeting.

Tað samtykti bygdarráðið, týsdagin.

Eykatímarnir til fyrireiking og eftirmeting eru í fyrstu syftu mettir at kosta 30.000 krónur, kommunan rindar kostnaðin og fer at eftirmeta eftir trúggjar mánaðir.

- Við at bøta um viðurskiftini í námsfrøðiliga arbeiðinum, lokka vit vónandi fleiri námsfrøðingar til kommununa, sigur Rógvi Egilstoft, borgarstjóri.

Hann heldur ikki at kommunan gongur í móti semjuni og nýggja sáttmálanum millum Kommunala Arbeiðsgevarafelagið og Pedagogfelagið.

Hoyr innslagið frá útvarpstíðindunum, har Jógvan Skeel Nolsøe eisini tosar við Kristinu Toftegaard Larsen, sum er leiðari í barnagarðinum.