10 dagar sóttarhaldið tryggjar sjúkrahúsverkið

25.07.2021 - 18:32

Innlendis›Heilsa

Føroysku heilsumyndugleikarnir halda fast í, at fólk, ið hava verið í smittuvanda, skulu 10 dagar í sóttarhald, fyri at verja føroyska sjúkrahúsverkið, sigur landslæknin

Uni L. Hansen

Aktivera javascript

Lars Fodgaard Møller, landslækni, sigur, at tað er umráðandi at verja føroyska sjúkrahúsverkið móti korona. Tí eru strangari sóttarhaldsreglur í Føroyum enn í Danmark

Mynd: Bjarni Árting Rubeksen

Í Danmark skulu fólk, sum hava verið í smittuvanda, seks dagar í sóttarhald, og sleppa út, um koronukanningin er negativ eftir sætta dagin. Í Føroyum er kravið sóttarhald í 10 dagar.

Hetta skilir ein ørkymlaður Torkil Rasmussen ikki. Hann situr í sóttarhaldi saman við trimum smáum børnum, tí tey hava øll verið í smittuvanda.

Torkil Rasmussen spyr tískil, hvør læknafakliga grundgevingin er fyri, at tað er munur á sóttarhaldinum í Føroyum og í Danmark?

>>HOYR SAMRØÐUNA VIÐ TORKIL RASMUSSEN

Orsøkin er, at í Føroyum hava heilsumyndugleikarnir sæð, at tað eru dømir um, at koronusmittan brýtur út 10 dagar eftir, at fólk eru komin til landið, sigur landslæknin.

- Tað føroyska heilsuverkið er viðbreknari enn tað danska, og tí halda vit fast í einum longri sóttarhaldi, tá fólk hava verið í smittuvanda, sigur Lars Fodgaard Møller, landslækni.

HOYR SAMRØÐUA VIÐ LANDSLÆKNAN, SUM VARÐ SEND BEINLEIÐIS Í ÚTVARPSTÍÐINDUNUM (trýst á play undir myndini).