VÍF einki lið í bestu kvinnudeildini í hondbólti

VÍF fer ikki at hava nakað lið í bestu kvinnudeildini í hondbólti í vetur.

Tað er ikki eydnast at manna lið, og tær fáu, ið eru eftir, fara ístaðin at spæla við EB.

Sigur Magnus Debes Madsen, nevndarlimur í VÍF. Nú er tað eydnast nevndini at finna eina loysn, og hon er at spælararnir fara at spæla við EB, sum nú fyri fyrstu ferð í 29 ár aftur er í bestu kvinnudeildini í hondbólti.

Agnas Olsen, ein av stuðulsleikarunum í bestu kvinnudeildini hjá VÍF er spent til nýggju avbjóðingina.

17 leikarar eru úr EB og sjey úr VÍF. Íslendingurin, Kristinn Guðmundsson, skal standa á odda fyri samansetta liðnum. Hann hevur drúgvar royndir í bestu íslensku deildini og hevur vunnið fleiri meistaraheiti.

Vestmanna er kend sum ein hondbóltsbygd burturav, og Magnus heldur tað vera løgið, at bygdin ikki megnar at manna lið í ár.

VÍF hevur einaferð áður staðið í støðuni, at tær ikki kláraðu at manna lið. Í 2011 samstarvaðu tær við Tjaldur, og tá at liðið Tjaldur/VÍF.

HOYR INNSLAGIÐ Í TÍÐINDUNUM.