Ákærdi: Talan var ikki um hóttanir

Maðurin, sum er ákærdur fyri í fleiri førum at hava hótt fólk eftir lívinum, játtaði í rættinum í dag at hava skrivað, men hann segði, at talan var ikki um hóttanir.

Hann segði, at hann vildi gera vart við eitt mál, og hann vildi hava fólk at vakna, sum hann málbar seg.

Maðurin varð varðhaldsfongslaður í fýra vikur í desember í fjør. Tá noktaði hann seg sekan.

Málið var fyri í rættinum fyrrapartin, og tað er tikið til dóms. Dómur fellur um eina viku.

Hoyr Frants Jensen greiða frá úr rættinum.