Norrøna siglir aftur í kvøld

Norrøna siglir sum ætlað í kvøld av Seyðisfirði í Íslandi til Føroya.

Eldurin, sum var í maskinrúminum seinnapartin í gjár, gjørdi ikki stóran skaða, sigur Jens Meinhard Rasmussen, stjóri í Smyril Line.

El-lutir til ein hjálpimotor fingu skaða av eldinum, men teir verða skiftir nú.

Ferðafólkini, sum fóru í land, tá boðað varð frá eldinum, komu umborð aftur á Norrønu í gjárkvøldið. 

Hoyr Jens Meinhard Rasmssen, stjóra á Smyril Line, í útvarpstíðindunum.