Pól vann DM í vektlyfting

Pól Heindrikur Andreasen, gjørdist í gjár danmarksmeistari í olympiskari vektlyfting.
Hann vann gull í vektflokkinum niðanfyri 73 kilo.
Pól Heindrikur lyfti 90 kilo í trekk og 115 kilo í vend og stoyt.

Hoyr samrøðu við Pól Heindrik Andreasen við at trýsta á pílin.

Í alt seks føroyingar eru við í  kappingini.
Niels Áki Mørk vann silvur í bólkinum niðanfyri 67 kg. Hann lyfti 83 kilo í trekk og 100 kilo í vend og stoyt.
Anna Kristina Niclasen vann bronsu í samlaðu kappingini fyri kvinnur niðanfyri 64 kg. Anna Kristina gjørdist nummar fýra í kappingini í trekk, har hon lyfti 74 kilo. Men við 99 kilo í vend & stoyt vann hon munin aftur.
Í dag kappast Sofus Bech í bólkinum hjá monnum niðanfyri 96 kilo.
DM-kappingin endar í dag.