Bispur: "Fara at stýra kirkjuni lokalt"

25.10.2021 - 12:00
InnlendisHeilsa
Bispur: "Fara at stýra kirkjuni lokalt"
Høgu smittutølini fáa fólkakirkjuna at gera leiðreglur, og tað verður ymiskt kring landið, hvussu roynt verður at fyribyrgja koronusmittuni innan fyri kirkjugátt, sigur bispur

Koronasmittan ger aftur um seg í Føroyoum, og nú eru smittutølini methøg. 

Hetta ávirkar eisini kirkjuna, váttar Jógvan Fríðriksson, bispur. 

Fólkakirkjan hevur gjørt leiðreglur, og millum annað verður mælt til at doypa børn uttan fyri vanliga kirkjutíð.

Leiðslan í fólkakirkjuni hevur samskift við læknafrøðiliga myndugleikan.

 

Børn og ung smittað

Serliga børn og ung eru smittað, so tað krevst at vera sera varin, tá barnadópur er.

Hetta er galdandi restina av oktober og allan november mánað.

Fólkakirkjan fer at fylgja leistinum, sum landsstýrið í gjárkvøldið setti út í kortið, at átøk og tilmæli verða lokal, har smittan er størst.

 

Prestar kunn ráðføra seg við leiðsluna

Sóknarpresturin í øki, har smittan er stór, kann ráðføra seg við leiðsluna, sum so tosar við læknafrøðiliga myndugleikan.

Er støðan hóttandi, kann leiðslan mæla til, at eisini gudstænastan verður avlýst.

Yvirskipað heldur leiðslan í fólkakirkjuni tað vera ráðiligt, at gudstænasturnar verða hildnar við tí varsemi og teimum serligu fyrilitum, sum vit kenna, tey eru til dømis frástøða og reinføri.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585