Borgarstjorin: Fólk í Klaksvík eru stúrin

Av teimum 258 fólkunum, sum hava havt korona seinastu 14 dagarnar, eru 81 millum 10 og 19 ár. 33 eru í aldrinum 0 til 9 ár.

Landafrøðiliga eru Eysturoyggin og Norðoyggjar harðast rakt. 114 fólk í Eysturoynni og 63 fólk í Norðoyggjum hava verið sjúk av koronu síðstu 14 dagarnar.

Vit fylgja støðuni neyvt, sigur Karl Johansen, borgarstjóri í Klaksvíkar kommunu, ið heitir á øllum um at koppseta seg.