- Tíðindi, mentan og ítróttur
Trupulleikin í Bústøðum stingur djúpri enn persónsstríðið
Eftir at Stýrið fyri Bústaðir hevur ligið í andaleypi í hálvt ár, er politiska skipanin ótolin eftir at síggja úrslit. Tað sigur Christian Andreasen, tingbólkaformaður hjá Fólkaflokkinum, eftir at stýrið hevur umskipað seg.
Ingilín D. Strøm, løgtingskvinna fyri Javnaðarflokkin, óttast, at trupulleikin við Bústøðum stingur munandi djúpri enn at hann kann loysast við at tvey fólk í stýrinum býta um sess.
-Trupulleikin stingur heilt aftur til lógarbroytingina, ið samgongan trýsti niður yvir Bústaðir, sigur Ingilín D. Strøm.
Sambært Christiani Andreasen var persónsstríðið millum fyrrverandi nevndarformann og stjóran á Bústøðum als ikki haldbart. Og nú er tolið um at vera uppi, sigur hann.
Ingilín Strøm og Christian Andreasen kjakaðust um støðuni í Bústøðum á Breddanum fyrrapartin. Sendingin er at finna HER.
Tak niður