Nú ber til at fáa triðja prikið í Havn

Leygardagin verður koppsetingin fyri koronu í Havn flutt niðan aftur í veitsluhøllina á Landssjúkrahúsinum.

Áhugin at verða koppsettur er vaksin, og nú triðja prikið er framskundað, er ikki pláss í bláa ambulatoriinum kortini.

Bókingarskipanin er ikki til reiðar til triðja prikið enn. Tí ber bara til fyribils at verða koppsettur triðju ferð við at støkka inn á koppsetingarstaðið, sum er veitsluhøllin. Neyðugt er ikki at biðja um tíð til triðja prikið frammanundan.

Hetta verður leygardagin og sunnudagin - nærri tíðir verða lýstar seinni.

Tey, ið vilja hava fyrsta ella annað prik, kunnu bóka sær tíð.

Bara tey, ið hava fingið seinna prikið fyri hálvum sjeynda mánaði síðani, kunnu fáa triðja prikið.

Støkk inn-koppseting verður á Klaksvíkar sjúkrahúsi mikudagin frá kl 16.30 til 17.00.

Í Suðuroy verður lýst so hvørt, sambært heimasíðuni corona.fo

Hoyr samrøðu við Tummas í Garði, sum læknafakligur varastjóri í Sjúkrahúsverkinum, í útvarpstíðindunum.

Tummas í Garði