25-30 partaeigarar í felagnum, sum keypir Magn

25 til 30 nýggir partaeigarar vera í Orkufelagnum, sum hevur keypt Magn. Teir flestu eru føroyingar.

Orkufelagið hevur keypt P/F Magn fyri 615 milliónir danskar krónur. Nakað av skuld er í felagnum, og tá ið hon er drigin frá, er prísurin umleið 500 milliónir krónur.

Skeljungur ætlar at nýta upp til 23 prosent av peninginum, sum felagið fær fyri søluna av Magn, til at keypa partabrøv í Sp/f Orkufelagnum. Tað svarar til 115 milliónir krónur.

Umframt nýggjar íleggjarar, fíggjar Orkufelagið keypið av Magni við láni.

Hoyr samrøðu við Teit Nolsøe Poulsen, nevndarformann í Orkufelagnum.