Pál Weihe: Munnbind til handils, og avmarkaða sosiala samveru

Nú smittustøðan stendur við og versnar, so er umráðandi, at fólk eisini taka støðuni í álvara, heldur Pál Weihe, professari í fólkaheilsu.

"Vit skulu eisini áhaldandi minnast til at spritta hendur, og næstu tíðina skulu vit vera heima, tá vit ikki eru til arbeiðis," sigur Pál Weihe.

Farsóttarnevndin hevur gjørt av, at tey, sum ikki hava koronupass, skulu kannast við markið.

Men vit eiga at kanna øll, sum koma til landið, heldur Pál Weihe.

Farsóttarnevndin hevur mælt til, at vit brúka koronupass, um vit ikki lata samfelagið aftur. Tað sama hevur Shahin Gaini, lektari í infektiónsmedisini, sagt í útvarpinum.

Pál Weihe, professari í fólkaheilsu, tekur undir við, at vit eiga at krevja koronupass í føroyska samfelagnum.