Uni Rasmussen: Verða uppskotini samtykt, rýkur samgongan

Uni Rasmussen, formaður í Trivnaðarnevndini hjá løgtinginum, undrast á, at tað skal bera til hjá samgongulimum at bróta eina greiða avtalu, nú Johan Dahl alment hevur boðað frá, at hann fer at atkvøða við andstøðuni í málinum um sammøður.

Um uppskotini hjá andstøðuni verða samtykt, er samgongan fokin.

Tað segði hann í Breddanum fyrr í dag.

Andstøðan er misnøgd, tí tað hevur tikið so langa tíð hjá Trivnaðarnevndini at leggja álit fram.

Sirið Stenberg, næstforkvinna í nevndini, vísir ikki aftur, at uppskotini kunnu vera ein partur av einum størri politiskum spæli í sambandi við fíggjarlógina fyri 2022, sum nú skal avgreiðast í tinginum.