Væntar at fáa tilmæli frá Havstovuni í næstu viku

03.12.2021 - 13:36

Innlendis›Samfelag

ICES hevur mælt til stóran niðurskurð í toska- og hýsufiskiskapinum

Aktivera javascript

ICES mælir til stóran niðurskurð í toskaveiðini undir Føroyum. Jacob Vestergaard, landsstýrismaður, bíðar nú eftir tilmæli frá Havstovuni, áðrenn han fer at áseta fiskidagarnar næsta ár.

Fiskidagarnir fyri 2022 verða ásettir eftir umsitingarætlanini, sum allir partar hava góðkent. Og tá Havstovan er komin við sínum tilmæli, verða fiskidagarnir lýstir í kunngerð.

Tað sigur Jacob Vestergaard, landsstýrismaður í fiskivinnumálum, nú ICES mælir til at minka fiskiskapin eftir toski niður í 2.200 tons og av hýsu niður í 8.600 tons næsta ár.

ICES mælir til at hækka fiskiskapin eftir upsa upp í góð 37.000 tons.

Landsstýrismaðurin væntar at fáa tilmælið frá Havstovuni í næstu viku.