Tunnilsbólkurin: Fyrimunur at hava tunnilsmunnan innan fyri Múlan

Tað verður dýrari at gera eina linjuføring, har tunnilsmunnin er innan fyri Múlan á Sandi, men tað eru eisini nógvir fyrimunir.

Tað vísir eitt dagført uppskot um linjuføring, sum tunnilsbólkurin hevur gjørt.

Ein dagførd linjuføring, sum tunnilsbólkurin við Jón Sigurdsson, Kristian Stórhamar og Mourits Joensen hava gjørt av Suðuroyartunlinum, vísir, at tunnilsmunnin væl kann vera innan fyri Múlan á Sandi, so hann ikki nervar Sandsbygd.

Les frágreiðingina her. 

Í dagførda uppskotinum verður kostnaðurin av allari verkætlanini 224 milliónir meira enn í uppskotinum hjá Tunnilsfelagnum.

Í uppskotinum hjá tunnilsbólkinum, har Skúvoyggin er við, er ein minni partur av tunlinum undir sjónum enn í uppskotinum hjá Tunnilsfelagnum.

Hoyr innslag í útvarpstíðindunum, har samrøða eisini er við Mourits Joensen, sum er búskaparfrøðingur:

.