Føroyar vunnu smálandakappingina

Tað eydnaðist føroyska talvlandsliðnum at vinna smálandakappingina, sum seinastu dagarnar hevur verið á Malta.

Í níggjunda og seinasta umfari gjørdu Føroyar bart og vunnu 4-0 á Guernsey. 
Helgi Dam Ziska, John Rødgaard, Luitjen Akselsson Apol og Jón í Horni Nielsen vunnu allir.

Dysturin millum fremstu kappingarneytarnar, Andorra og Kypros, endaði við 3-1 sigri til Andorra. 
Tað bar í sær, at Føroyar endaðu trý stig framman fyri Andorra. 

Samanlagt vann føroyska liðið átta dystir og spældi ein javnan.
 

Hoyr innslagið við Inga Wiberg, forseta í Talvsambandi Føroya.