Farleiðin hjá Rituni er óegnað til børn og eldri fólk

21.12.2021 - 13:24
AktueltSamfelag
Farleiðin hjá Rituni er óegnað til børn og eldri fólk
Børn yngri enn sjey ár, og fólk eldri enn 70 ár eiga ikki at ferðast við Rituni til Fugloyar og Svínoyar um miðalvindurin er meir enn 10 m/s
Mælt verður nú børnum og eldri fólkum frá at sigla við Rituni til Fugloyar og Svínoyar, um vindmegin er omanfyri 10 m/s
Mynd: Savnsmynd  

Strandferðslan mælir nú til, at børn og eldri fólk vísa serligan ans á leið 58, ið er farleiðin, sum Ritan siglir millum Hvannasund, Fugloy og Svínoytá, um miðalvindurin er meira enn 10 m/s.

Ert tú yngri enn 7 ár ella eldri enn 70 ár, so verður mælt til, at tú ikki ferðast á leið 58, um miðalvindurin er hægri enn 10 metrar um sekundið.

Tað sama ger seg galdandi, um man hevur kropsligar avbjóðingar í mun til rørlsu.

 

Vánalig lendingarviðurskifti

Tilmælini eru ein beinleiðis avleiðing av vánaligu lendingaviðurskiftunum á útoyggj, sigur Heri Norðberg, trygdarsamskiparin hjá Strandferðsluni.

Og um veðrið versnar, verður tilmælini herd.

Um miðalvindurin liggur millum 15-20 metrar um sekundið verður aldursmarkið broytt til 12 til 65 ár.

Og um tað er millum 20 og 25 metrar um sekundið, verður mælt til, at bert ferðafólk millum 16 og 65 ár, sum ikki hava nakrar kropsligar avbjóðinar í mun til rørslu, ferðast á farleiðini.

Úrslit av vanlukku

Talan er kortini bara um tilmælir og eru serliga ætlaði ferðafólkum, sum ikki eru kend á farleiðini, sigur Heri Norðberg, trygdarsamskipari hjá Strandferðsluni.

Sambært Hera Norðberg, trygdarsamskipara hjá Strandferðsluni, verða líknandi skeltir sett upp á øðrum farleiðum, har lendingaviðurskiftini ikki eru nóg góð.

Heri Norðberg, trygdarsamskipari hjá Strandferðsluni, upplýsir, at tilmælini eru eitt úrslit av einari frágreiðing hjá Sjóvinnustýrinum, ið bleiv gjørd eftir eina vanlukku á farleiðini í mars 2019.

 

Ætlað fremmandafólki

Og tey eru fyrst og fremst ætlaði fremmandafólki á farleiðini.

Trygdarsamskiparin leggur kortini dent á, at talan bert er um tilmæli og ikki reglur.

Sostatt fer skiparin ikki at koyra ferðafólk á land aftur, sum ikki fyglja tilmælunum.

 
Er kopiera

Tak niður

Nýggjastu sendingar í ÚV
Leygardag 21. mai
Morgunlestur leygardagur 21.mai 2022
139574
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646