Løgmaður: Samgongan hevur ikki ein meirluta ímóti sær

28.12.2021 - 16:14

Innlendis›Politikkur

Eingin endalig avgerð um lagnuna hjá samgonguni spurdist burtur úr kreppufundinum í samgonguni í dag. Løgmaður staðfestir tó, at samgongan ikki hevur ein meirluta ímóti sær

Uni L. Hansen

Jón Brian Hvidtfeldt

Aktivera javascript

Bárður á Steig Nielsen, løgmaður og formaður í Sambandsflokkinum, og Jenis av Rana, landsstýrismaður og formaður í Miðflokkinum

Mynd: Bjarni Árting Rubekseni

Samgonguleiðararnir fara aftur á fund um politisku støðuna í morgin.

Tað segði Bárður á Steig Nielsen, løgmaður, tá kreppufundurin í dag varð niðurlagdur.

"Vit skulu hava greiðu á nøkrum málum hvør í sínum lagi, og so møtast vit aftur í morgin klokkan tvey," segði løgmaður.

Jenis av Rana, Miðflokkurin, samgongukreppan

Bárður á Steig Nielsen vildi ikki siga, hvørji mál talan var um.

Spurdur beinleiðis, um Føroyar hava eina samgongu í løtuni, svaraði løgmaður, at tað hava Føroyar.

"Samgongan er virkisfør og hevur ikki lagt frá sær. Vit eru gaman í nakað skerd viðvíkjandi landsstýrisfólkum, men samgongan hevur ikki ein meirluta ímóti sær."