Løgmaður: Tamarhald er á støðuni

29.12.2021 - 13:45

Innlendis›Heilsa

Sjúkrahúsverkið er ikki undir so stórum trýsti av koronu beint nú, og støðan er eitt sindur øðrvísi nú, enn tá skipanin við ferðsluljósunum varð sett í gildi, sigur løgmaður

Emil Lisberg Jacobsen

0 seconds of 0 secondsVolume 90%

00:00

Løgmaður hevur ikki valt at herða koronutiltøkini, hóast smittutalið er omanfyri 75 í miðal

Mynd: Bjarni Árting Rubeksen

Føroyar verða fyribils verandi á gula stiginum.

Hetta hóast at smittutølini síðstu dagarnar hava verið so mikið høg, at miðaltalið nú er komið upp um 75 fyri síðstu sjey dagarnar, sum annars skuldi merkt, at vit fóru upp á reyða stigið.

Bárður á Steig Nielsen, løgmaður, sigur, at sjúkrahúsverkið ikki er undir so stórum trýsti av koronu beint nú, og at støðan eisini er eitt sindur øðrvísi nú, enn tá skipanin við ferðsluljosunum varð sett í gildi.