Politikarar farnir at seta spurnartekin við koronupassið

Síðani omikron-frábrigdið kom til Føroya fyri einum mánaði síðani, hevur korona-smittan breitt seg skjótt í samfelagnum, og nú eru politikarar eisini farnir at seta spurningar við koronapassið, sum ikki tykist tæna endamálinum at tálma smittuútbreiðsluni.

 "Eg haldi ikki, mann skal gera tað ein dag longur, enn tað gevur meining."
(Útvarpstíðindini 08.01.2022)

Tað segði Kaj Leo Holm Johannesen, landsstýrismaður í Heilsumálum í tíðindunum í gjárkvøldið.

Í lesarabrævi vísir Bjarni Kárason Petersen, løgtingsmaður fyri Framsókn, á, at hann eisini heldur, at tíðin er komin til at endurskoða koronu-tilmælini. 

"Tilmælini, sum landsstýrið kemur við, geva ikki so nógva meining. Koronupassið hevur ikki livað upp til sína uppgávu."
(Útvarpstíðindini 09.01.2022) 

Eisini løgmaður hevur verið ivasamur um koronapassið. 

" Eg hevði ikki ynski um, at koronupassið skuldi verða aktivt brúkt í Føroyum. Tað var ein sterkur fólksligur vilji. Tí tóku vit tað til eftirtektar, at fylgja fólksins vilja."
(Útvarpstíðindini 29.12.2021)