- Tíðindi, mentan og ítróttur
Beinleiðis úr Studio 5

Teir komu brestandi inn á føroyska tónleikapallin við elektroniskum rútmum, rappi, sjálvsáliti og eini framførslu, sum fekk áhoyrararnar upp úr stólunum.
Og tá avtornaði, vóru tað eisini teir, sum stóðu eftir sum vinnarar av Sement 2026.
Nettupp er navnið á bólkinum hjá Lazar Ilic og Balduri Holm. Meðan Baldur byggir tónleikin upp við beatum, elektroniskum ljóðum og eksperimenterandi framleiðslu, er tað Lazar, sum stendur fyri orðunum og rappinum.
Í summar góvu teir sín fyrsta sang, Óknýttur, út, og nú eru teir longu á veg út um landoddarnar. Sigurin í Sement hevur nevniliga eisini tryggjað teimum eitt pláss á Spot-festivalinum næsta ár.
Nú vitjar Nettupp í Studio 5.

Beinleiðis úr Studio 5
Beinleiðis úr Studio 5 er sending við livandi tónleiki. Bólkar og einstaklingar, sum hava hug at royna seg, verða boðin í útvarpsstovuna at spæla.











