- Tíðindi, mentan og ítróttur
Pál Weihe mælir framvegis til at koppseta børn
Í Noregi mæla myndugleikarnir ikki longur til at børn, sum eru 5-11 ára gomul, verða koppsett fyri koronu.
Orsøkin er, at omikron-frábrigdið hevur longu breitt seg víða, at tað ber ikki til at steðga smittuni, og at børn ikki gerast serliga sjúk.
Eisini í Danmark vilja læknar hava, at myndugleikarnir endurskoða tilmælið um at koppseta børn. Læknarnir siga, at tað í staðin verður eitt tilboð til børn, sum ikki tola at fáa koronu.
Í Føroyum mælir Pál Weihe, professari í fólkaheilsu, framvegis til at koppseta børn.
Bárður á Steig Nielsen, løgmaður, segði eftir tíðindafundin fyrrapartin, at nærri boð um koppseting av børnum í Føroyum koma væntandi í dag.
Eisini í Danmark vilja læknar hava, at myndugleikarnir endurskoða tilmælið um at koppseta børn. (Mynd: RitzauScanpix)
Tak niður