Borgarstjóri: Skilagott við demokratiskt valdari økisumsiting

Gerhard Lognberg, borgarstjóri í Skopunar kommunu, heldur tað vera skilagott við eini demokratiskt valdari økisumsiting, so sum Jóannes Dalsgaard, stjórnmálafrøðingur, skeyt upp í Degi og Viku í gjárkvøldið.

Men hann ivast í, um landsins myndugleikar høvdu tikið undir við eini slíkari økisumsiting.

Gerhard Lognberg heldur ikki, at ein stór kommuna er rætta loysnin úi Sandoyar sýslu, sum Heri Sverrason, borgarstjóri á Sandi, mælir til.

Borgarstjórin í Skopun vísir eisini til vegleiðandi fólkaatkvøðuna í 2012, har fólk í øllum kommununum í oynni uttan  Sands kommunu søgdu nei til kommunusamanlegging.

Hoyr innslag í útvarpstíðindunum. 

Jóannes N. Dalsgaard