Afturvaldi formaðurin: Broyting í sáttmálanum gjørdi munin

Jan Højgaard heldur fram sum formaður í Fiskimannafelagnum.

Tá liðugt var at telja upp fyrrapartin, hevði Jan Højgaard fingið 216 atkvøður og avbjóðarin, Mortan Berjastein, 105 atkvøður.

Jan Højgaard heldur, at serliga eitt mál, sum hann hevur loyst, hevur havt við sær, at hann er valdur aftur. Hann sigur, ein grein í sáttmálanum var at meta sum eitt sjálvtøkuborð hjá reiðarunum, men tann greinin er nú strikað.

Jan Højgaard sigur, at stórur tørvur er á at útbyggja umsitingina í Fiskimannafelagnum, og ætlanin er at seta eitt fólk aftrat.

Tá hetta valskeiðið er farið, hevur Jan Højgaard verið formaður í 18 ár. Hann hevur ikki tikið støðu til, um at hann stillar uppaftur um trý ár.

Hoyr innslag í útvarpstíðindunum.