Føroysk mentan undir trýsti

Stóra úrvalið av stroymingartænastum og ómakaleysa atgongdin til alnótina gevur Kringvarpinum avbjóðingar í leiklutinum sum savnandi mentanarberi í føroyska samfelagnum.
Tørvur er á eini mentanarligari tilbúgving. Tað heldur kringvarpsstjórin, Ivan Niclasen.

Í morgin er freist at lata inn hoyringarsvar í sambandi við ætlaðu broytingarnar hjá landsstýrismanninum í kringvarpslógini.
Hóast kringvarpsstjórin ikki vil inn á, hvat ítøkiliga stendur í svarinum frá Kringvarpinum, so sigur hann, at heilt stóra avbjóðingin hjá Kringvarpinum er at framtíðartryggja inntøkugrundarlagið fyri Kringvarpið.