Vilja hava ábøtur á vegastrekkinum við Streymin

- Vit vænta og vóna, at ábøtur verða gjørdar skjótt, sigur Jógvan Kruse, borgarstjóri í Sunda kommunu.

Sunda kommuna hevur verið á fundi við Landsverk um ferðsluviðurskiftini á vegastrekkinum við brúnna um Streymin.

Fleiri ferðsluóhapp eru hend á hesum staðnum, og kommunan og fólk í økinum hava í fleiri førum víst á, at ferðslutrygdin á vegastrekkinum ikki er í lagi.

Hoyr innslag í útvarpstíðindunum.

Sigurd Lamhauge, stjóri í Landsverki, sigur, at Landsverk tekur mál sum hesi í størsta álvara, og at Landsverk, saman við serfrøðingum, fer at taka støðu til, hvat kann gerast á vegastrekkinum við brúnna um Streymin.
 

Jógvan Kruse

Jógvan Kruse, borgarstjóri í Sunda kommunu.

Ferðslutrygd við Streym, ferðsla við Streymin