- Tíðindi, mentan og ítróttur
Russisk skip umskipa í Runavík
12.03.2022 - 16:29
Innlendis›Politikkur
Russisk skip umskipa í Runavík
Eingin almenn fráboðan er komin um tiltøk, og tí er alt sum vanligt, sigur Torbjørn Jacobsen, borgarstjóri í Runavíkar kommunu
Tvey russisk skip á veg inn á Skálafjørðin í dag. Aftara hevur maskinbrek og verður sleipað
Mynd: Sámal Jákup Gøte
Russiskir trolarar sum hava fiskað um okkara leiðir, fara at umskipa fiskin í Runavík.
Í gjár fekk Runavíkar havn umbøn um at tveir ella tríggir trolarar vóru á veg til Føroya, og bóðu um loyvi at umskipa fiskin í Runavík.
Fyrrapartin kom ein trolari á Runavík, og seinnapartin komu tveir trolarar aftrat. Annar sleipaði hin, sum hevði motorskaða.
Støðan í Føroyum er ikki broytt síðani russisku innrásina í Ukraina, tí eingin almenn fráboðan er komin um, hvussu slíkar støður skulu handfarast, sigur Torbjørn Jacobsen, borgarstjóri, í samrøðu við útvarpið.
Er kopiera
Sí eisini
Nýggjastu sendingar í ÚV
Nýggjastu sendingar í SV
