Gongur striltrið at manna Herjólf

13.07.2022 - 16:22
Aktuelt
Gongur striltrið at manna Herjólf
Tað gongst illa at fáa manning til maskinrúmið á avloysaraferjuni Herjólfi III, sum skal sigla á Suðuroyarleiðini í gott ár.

Tað gongst illa at fáa manning til maskinrúmið á íslendsku ferjuni Herjólfi III, sum skal sigla á Suðuroyarleiðini í gott ár. Herjólfur III skal avloysa Smyril, tá hann skal í dokk.

- Tað hevur ikki verið trupult sum so at manna brúnna og dekkið, men tað vísir seg at vera trupult at manna maskinrúmið, sigur virkandi stjórin á Strandfaraskipum Landsins, Jóhan Petur Abrahamsen. 

Sambært Jóhan Petur Abrahamsen kemst hetta møguliga av, at ferð er komið á oljuvinnuna aftur, og at fleiri reiðaríir søkja eftir starvsfólki. Skattaviðurskiftini hjá almennu reiðaríunum spæla møguliga eisini inn, heldur hann.

- Eg haldi tað er ein samanseting av fleiri viðurskiftum. Millum annað eru skattaviðurskiftini hjá almennu reiðaríunum ikki tey somu sum hjá privatu reiðaríunum. Harumframt er talan um tíðaravmarkað starv, sigur Jóhan Petur Abrahamsen. 

Tá ið Smyril fer í dokk, fæst manning av Smyrli, men til ta tíð er støðan ivasom, sigur virkandi stjórin á Strandferðsluni.

- Vit mugu bara royna at søkja og troytta teir møguleikar, vit hava, men tað er sjálvsagt, at Herjólfur ikki kann sigla uttan manning, sigur Jóhan Petur Abrahamsen. 

Ætlanin var at fáa Herjólf III í sigling í hesum mánaðinum. Men hetta dregur møguliga út eitt vet, og virkandi stjórin vónar, at Herjólfur III er klárur til sigling síðst í hesum mánaðinum.

Hoyr samrøðu við Jóhan Petur Abramhamsen, virkandi stjóra í Strandferðsluni, í ljóðbrotinum omanfyri.

 

 
Er kopiera

Tak niður

Nýggjastu sendingar í ÚV
Hósdag 28. september
RagnarRokk 28.september 2023
162731
Hósdag 28. september
RagnarRokk: Doug Aldrich um The Dead Daisies
162729
Hósdag 28. september
RagnarRokk: Jón Geir Jóhannsson um Ýdalir
162728
Hósdag 28. september
Óhoyrt 92: dreymar við Singapore og Diddy
163497
Hósdag 28. september
Lesikrókurin 28 sep 2023
163477
Nýggjastu sendingar í SV
Týsdag 26. september
Veðrið
163385
Mánadag 25. september
Møti úr Vitninum í Hvalba
163262
Sunnudag 24. september
Andakt við Ellindi Abrahamsen
163261
Fríggjadag 22. september
Veðrið
163197
Hósdag 21. september
Vit eru enn til
163137