Ikki nøktandi at upplýsingar vera duldir fyri politisku skipanini

20.07.2022 - 18:10
AktueltPolitikkur
Ikki nøktandi at upplýsingar vera duldir fyri politisku skipanini
Erhard Joensen, formaður í fíggjarnevndini, er vónbroti av, at upplýsingar um, hvussu SSL kann umskipast, eru duldir fyri politisku skipanini
Erhard Joensen er vónbrotin av, at upplýsingar um, hvussu SSL kann umskipast, eru dulgdir fyri politisku skipanini
Mynd: Bjarni Árting Rubeksen  

Tað kom óvart á Erhard Joensen, formann í løgtingsins fíggjarnevnd, at stjóri í Gjaldstovuni, Leif Abrahamsen, í Degi og viku vísti á, at tað ikki var neyðugt at leggja Strandafaraskip Landsins um til eitt alment partafelag.

Tað er lættari at broyta játtanarlógina enn at leggja SSL í eitt alment partafelag, staðfesti stjórin í Gjaldstovuni, og úrslitið av hesum er tað sama, sum at leggja Strandferðsluna í alment partafelag. SSL kann stýra rokniskapinum yvir fleiri ár og er ikki tengt av at raka nullið við ársenda hvørt ár fyri at halda játtanina.

Men hesin møguleikin slapp, sambært Degi og viku, ikki upp í part, tá ein serfrøðingabólkur, undir leiðslu av Rúna Vang Poulsen, varð settur at eftirhyggja SSL, og koma við boðum uppá, hvussu stovnurin skal rekast í framtíðini. 

Og tað er als ikki nøktandi, at møguleikin ikki var lýstur í frágreiðinini um Strandferðsluna, sigur Erhard Joensen, formaður í fíggjarnevndini, sum er vónbrotin av serfrøðingabólkinum. 

Kjaki um bygnaðin á SSL hevur higartil tikið støði í frágreiðingini hjá serfrøðingabólkinum, sum var handað 8. mars í ár.

Og tí verður ongin avgerð tikin um framtíðina hjá Strandferðsluskipum Landsins fyrr enn hesin nýggi møguleikin, sum er komin undan kavi, er viðgjørdur, sigur suðuroyartingmaðurin

 

 
Er kopiera

Tak niður

Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753