Lótu væl at fyrsta túrinum

Tað vóru ikki nógv fólk umborð, tá mest umtalaða skipið í Føroyum seinastu vikurnar, Herjólfur III, í morgun legði at í Havn nakað fyrr enn væntað. 

Eftir ferðaætlanini hjá Strandferðsluni tekur túrurin um Suðuroyarfjørð tveir tímar og trý korter, men tað gekk ikki nógv meira enn hálvurtriði tími frá tí, at Herjólvur III loysti á Krambatanga, til tey fyrstu ferðafólkini komu í land eftir rampuni í Havn. 

Tey, sum Kringvarpið fekk orðið á í morgun, lótu væl at fyrsta túrinum hjá skipinum.

Herjólvur III røkir Suðuroyarleiðina, meðan Smyril er í dokk í Danmark. Eftir ætlan fer Smyril aftur í sigling sunnudagin 2. oktober.