Mótsigandi at fáa kynskvotering, tá vit ikki hava økiskvotering

Hví skal kynið hava størri týdning enn tann geografiska umboðanin? 

Tað spyr Sámal Matras Kristiansen, samfelagsfrøðingur, nú ført verður fram, at vit møguliga skulu hava kynskvotering, tá ið stillað verður upp til val.

Tað var í gjár, at Annika Olsen førdi fram, at flokkarnir skuldu havt kvotu í uppstilling, soleiðis at eins nógvar kvinnur og menn vórðu stillað upp.

Sámal Matras Kristiansen vísir á, at tað er stórur munur á kvinnum, og tí má hugsast breiðari um umboðan enn bara kynið.

Hann heldur, at tað eru fleiri ójavnar enn bara kynið, ið hyggjast má eftir.