Gula smiðja væl umtókt millum tey ungu í Runavík

Gula smiðja er nýggja ungdóms- og virkishúsið í Runavíkar kommunu, sum húsast í eyðkenda gula smiðjubygninginum miðskeiðis í Saltangará.

Gula smiðja

Umframt hugnaliga og mennandi samveru millum ung, verður húsið eisini nýtt til fjølbroytt mentanarligt virksemi, eitt nú fyrilestrar og framførslur.

Gula smiðja er ætlað sum klekingardepil fyri mentan millum ung í Runavíkar kommunu.

Men hvat heldur ungdómurin í Runavíkar kommunu um nýggja ungdómshúsið, sum nú hevur verið opið í gott og væl eitt hálvt ár?

Tað hava starvsnæmingar Kringvarpsins, Ernst Langgaard og Thór Skibenæs úr 9. flokki í Runavíkar skúla, kannað.

Gula smiðja

Borðtennisborðið er sera væl umtókt millum tey ungu í Gulu smiðju. Her eru tað Nikolina, Hanna, Bergur og Kristina. Tey eru sera væl nøgd við at hava fingið eitt ungdómshús í kommununi. 

Gula smiðja

Á aðru hædd eru sjónvarp, playstation, fótbóltsborð og eitt tónleikarúm, sum eisini er eitt upptøkuhøli. Trygvi og Kaj halda, at fleiri ungu áttu at komið í Gulu smiðju. 

Gula smiðja

Tónleikarúmið í Gulu smiðju er eisini eitt upptøkuhøli við ljóðførum og upptøkuútgerð. 

Gula smiðja

Dávur Samuelsen og Pól Holm brúka nógv tíð í tónleikarúminum, og síðst í innslagnum um Gulu smiðju kann sangurin "Livin' Life" hoyrast, sum teir báðir hava gjørt saman við Fríða Langgaard. 

Gula smiðja

Nógvir ymiskir aktivitetir er í Gulu smiðju, so har er eitt sindur til øll. 

Gula smiðja, Gudmundur Joensen

Gudmundur Joensen, leiðari, fær nógv rós frá teimum ungu í Gulu smiðju. Gula smiðja er eisini eitt mentanarhús, sum skipar fyri konsertum, fyrilestrum og øðrum. Skjótt byrjar serliga konsertrøðin "Loynitónar", har áhoyrar møta upp uttan at vita, hvør spælir. Hoyr Gudmund Joensen greiða frá hugskotinum í innslagnum. 

Gula smiðja

Oman fyri Gulu smiðju er eina hugnalig terrassa. 

Gula smiðja

Thór Skibenæs (tv.) og Ernst Langgaard (th.) úr 9. flokki í Runavíkar skúla hava verið í starvsvenjing í Kringvarpinum, og teir hava vitjað Gulu Smiðju í Saltangará.