Tjørnuvík er eitt av smærru valstøðunum

31.10.2022 - 16:11

Innlendis›Politikkur

Ein góður fjórðingur av veljarunum í Tjørnuvík høvdu verið á valið, tá klokkan var farin av 15, og valstýrisformaðurin væntar nú ein steðg til eftir arbeiðstíð

Elin Michelsen

Aktivera javascript

Sjálvt um fólkatingsvalið ikki hevur fylt nógv dagarnar undan valinum, so er hetta tó ein serligur dagur, heldur valstýrisformaðurin Steinbjørn Magnussen, sum leggur afturat, at minni hevur verið at sæð til valið hesaferð.

Eingin hevur verið og dyrgt eftir atkvøðum og plakatirnar eru færri enn tær plaga at vera.

Í Tjørnuvík eru 44 fólk við valrætti og til seinasta val var Javnaðarflokkurin størstur, Tjóðveldið nummar tvey meðan Sambandsflokkurin endaði triðstørstur.

tjornuvik_1.jpg

Tá so fá hava valrætt er ikki óhugsandi, at til ber at rokna út, hvør hevur valt hvat, sigur Hansina Jensen, valstýrislimur, men hon heldur tað ikki vera nakran trupulleika, tí fólk tosa ikki so nógv um hvønn tey hava valt. Tó kundi hon hugsað sær at atkvøðurnar frá valstaðnum í Tjørnuvík vórðu taldar saman við valstaðnum við Streymin, tí so var ikki gjørligt at gita longur.