Hoyvík skal vera valstað

20.11.2022 - 14:28
InnlendisPolitikkur
Hoyvík skal vera valstað
– At fólk setast aftur, tí tey skulu úr Hoyvík oman í Havnina at velja, er ein demokratiskur trupulleiki, sigur Tróndur Sigurðsson, býráðslimur í Havn.

Á fíggjarnevndarfundi í vikuni var skotið upp at hækka játtanina til løgtingsvalið úr 600.000 upp í 800.000 krónur, so Hoyvík kundi gerast valstað.

- Um fá ár er Hoyvík við sínum 4.700 fólkum næststørsti býur í landinum, og tí sigur tað seg sjálvt, at Hoyvík eisini eigur at vera sjálvstøðugt valstað, sigur hann.

Tróndur Sigurðsson vísir millum annað á, at Argir eru sjálvstøðugt valstað, hóast fólkatalið har er munandi minni enn í Hoyvík, so tí vil hann vóna, at á løgtingsvalinum verður tað síðstu ferð, at fólk í Hoyvík velja í høllini á Hálsi í Havn.

- Fólkatingsvalið herfyri vísti, at tað veruliga er brúk fyri, at fólk í Hoyvík sleppa at velja í Hoyvík, tí um tey heldur setast aftur, er tað ein demokratiskur trupulleiki, sigur hann.

Tey, sum velja í høllini á Hálsi, eru tey, sum búgva í Havn, Norðradali, Hoyvík, Koltri, á Hvítanesi og á Sundi.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585