Avtalan við russar ongar fíggarligar avleiðingar í longdini

Fiskiveiðuavtalan við Russland er endurnýggjað í eitt ár. Í tíðindunum á middegi hoyrdu vit, hvørjar avleiðingar tað hevði havt fyri Sandoy Seafood og alla Sandoynna um avtalan ikki varð longd. Vit hava eisini hoyrt um 250 familjur aðrastani í landinum, sum høvdu verið raktar. 

Árni Skaale, landsstýrismaður í fiskivinnumálum segði eisini við DR í síðstu viku at, avtalan við Russland hevur beinleiðis ávirkan á føroyskan búðskap, sum svarar til 5 prosent av føroysku bruttutjóðarúrtøkuni.