Gjørt vart við seg í inniróðri

29.01.2023 - 18:33
ÍtrótturKappróður
Gjørt vart við seg í inniróðri
Framúr góðu úrslitini hjá føroysku røðarunum í EM-kappingini í inniróðri í París um vikuskiftið hava veruliga varpað ljós á Føroyar.

Føroysku røðararnir, sum um vikuskiftið hava kappast í EM í inniróðri í París, hava veruliga gjørt vart við seg við fýra europameistaraheitum, einum silvurmerki og tveimum bronsumerkjum.

Úrslitini hava verið so mikið góð, at allir føroyingarnir vóru í topp-10 í sínum kappingum, umframt hópin av persónligum metum.

Tann, ið gjørdi mest um seg, var – kanska ikki óvæntað – Sarita Kristina Hansen, sum fjórða árið á rað gjørdist europameistari á bæði 500 og 2000 metra teininum.

Hóast átta EM-heiti í fýra ár ljóðar av nógvum, er tað ikki nakað, ið tekur hana av fótum, tí hon hugsavnar seg fyrst og fremst um róðurin, men er øgiliga fegin, tá ið tað eydnast.

Sarita gleðist eisini um, at tað hevur gingið so væl í París, tí fyri fleiri av røðarunum var hetta fyrstu ferð, at teir vóru við til eina veruliga kapping, sum enntá var saman við túsundtals kappingarneytum úr øllum Europa.

Føroyska ferðalagið kemur eftir ætlan heim í kvøld, og í Kollafirði hava tey gjørt klárt til móttøku fyri europameistarunum klokkan 22.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585