- Tíðindi, mentan og ítróttur
Landsliðið brendi alt ov illa
11.03.2023 - 19:06
Ítróttur›Hondbóltur
Landsliðið brendi alt ov illa
Føroyska manslandsliðið í hondbólti fekk armarnar niðuraftur, tá ið tað í dag spældi seinna dystin ímóti Rumenia niðri í rumenska høvuðsstaðnum, Bucarest.

Eftir at hava vunnið við tveimum málum mikukvøldið, taptu hondbóltsmenninir í dag við átta málum, 25-17.
Føroyar fylgdu hampuliga væl við í fyrra hálvleiki, men vóru aftanfyri við fýra í hálvleikinum, 14-10, og sum seinni hálvleikur leið, gjørdist munurin bara størri.
– Orsøkin til tað var fyrst og fremst vantandi effektivitetur framman fyri rumenska málinum, heldur Ingi Olsen, sum viðmerkti dystin í sjónvarpinum seinnapartin.
Hákun West av Teigum var aftur í dag føroyskur toppskjútti, hesaferð við fýra málum.
Føroysku hondbóltsmenninir spæla næstu ferð aftur á heimavølli, tá ið teir mikukvøldið 26. apríl taka ímóti Ukraina í Høllini á Hálsi í Havn. Til tann dystin er longu alt útselt!
Tak niður
Nýggjastu sendingar í ÚV
Nýggjastu sendingar í SV