Niels Áki lyfti trý gullmerki

– Tað gekk framúr væl, tí eg setti sum fyrsti føroyingur nakrantíð danskt met við 96 kilo í trekk, sigur ein sera væl nøgdur Niels Áki Mørk.

– Og so javnaði eg føroyska metið, sum eg átti frammanundan, so hetta er besta úrslit hjá mær nakrantíð.

Hann og Majbrit Reynheim Petersen vunnu eisini gull samanlagt.

Pól Hendrikkur Andreasen vann gull í trekk, men gjørdist akkurát ov stuttur í vend og stoyt, so hann var eittans kilo frá gullinum, og Leif á Bøgarði og Sofus Bech vunnu eisini heiðursmerki.

Asta Egilstoft Nielsen hevur fleiri ár eftir sum juniorur, men hon kláraði úttøkukrøvini til DM senior, og hevði hon klárað seinasta lyftið í vend og stoyt, hevði hon kvalifiserað seg til NJM.