Café Salt

'Café Salt' 22. mars: Gott prát og bæði livandi tónleikur og skemt
24-03-2023
Heimkomin vágskvinna sigur frá lívi sínum úti í stóru verð, tvøramaður greiðir frá býlinginum, Valinum, barnadansur í Sumba er eitt evni, húsorkestur spælir og barnakór syngur

'Café Salt' er mánaðarlig undirhalds- og mentanarsending, sum Kringvarp Føroya og Mentanarhúsinum Salt á Tvøroyri skipa fyri.


Talan er um beinleiðis sending. Mikukvøldið 22. mars '23 var fjórða sendingin av hesum slag send og gestirnir vóru: Annie O. Eysturoy, Jákup Jensen, Sunnva Kjærbo, Martin Kjærbo Vinther, Simona úr Hørg, og Britt Jónsdóttir. Eisini varð tosað við Ingun Háberg og Dagfinn Olsen um kórið 'Blandað Drops' í Vágs skúla, eins og Dagfinn greiddi frá løgunum hjá húskorkestrinum, sum hann, Hjalmar Magnussen, og Arni Holm Carlsen mannaðu. Sjónleikaranir, Mariann Johansen og Rói Einarson spældu ein sketsj við støði í framtíðarløtuni, tá nýggja mjølverksmiðjan hjá Varðanum Pelagic verður tikin í nýtslu, og eisini lat Gundur Johansen okkum ein innspældan og stuttligan sang, ið umrøður ein túr til Havnar við Smyrli.


Annie O. Eysturoy fór sum ung til Danmarkar á studentaskúla, las enskar og spanskar bókmentir í Salzburg, undirvísti seinni upprunafólkum í amerikanska statinum, New Mexico, og í nítiárunum undirvísti hon eisini føroyingum á Føroya Studentaskúla og HF Skeiði í Hoydølum. Annie O. Eysturoy greiðir okkum frá einum parti av hesi áhugaverdu lívsferð og virksemi.


Jákup Jensen er lærari, sum í dag savnar tilfar av ymsum slag um gamlar tíðir, eins og hann er søguligur ferðaleiðari. Hann vaks upp í Valinum á Tvøroyri, ið var fyrsti býlingurin í Føroyum, sum varð útstykkjaður til bústaðarbygging. Jákup Jensen greiðir okkum frá hesum serliga býlingi, her fólk nógvastaðni frá búsettust í slupptíðini.


Sunnva Kjærbo leggur børnum í Sumba lag á í føroysum dansi, spølum, og kvøðing. Støðan er góð, tí nógv børn vilja føra henda sið fram í tíð og møta dúgliga upp til venjing. Sunnva Kjærbo var sjálv ikki kvøðari, tá hon var barn og ungdómur, men áhugin spratt í Danmark. Fyri teir ungu dansararnar í Sumba komu Martin Kjærbo Vinther, Simona úr Hørg, og Britt Jónsdóttir á gátt í SALT saman við Sunnvu at greiða okkum frá støðuni hjá barnadansinum í Sumba. Og eisini annað verður tikið upp í prátinum við sumbingarnar.

Café Salt 22. mars 2023
 

Café Salt

Café Salt er eitt slag av kvøldsetu við bæði álvarsomum og skemtiligum innihaldi. Vertir eru Ólavur Rasmussen og Jákup Magnussen.
Kvøldið fyri stóra tunnilsdagin, tá Sandoyggin varð knýtt upp í meginøkið við undirsjóvartunnli, skipaðu KVF og SALT fyri væleydnaðum undirhaldskvøldi heima á Sandi.
22-12-2023
17. mai varð í hesum umfari seinasta Café Salt útvarpssendingini send úr Mentanarhúsinum Salt á Drelnesi. Lista- og filmprát merkti kvøldið, men eisini tónleikur og skemt.
18-05-2023
SKEMT: Vit eru í Suðuroynni. Eitt tíðindafólk hjá KVF dyrgir eftir útsagnum og áskoðanum í tunnilsmálinum. Hvat heldur vanligi suðuroyingurin, skal Suðuroyartunnilin borast?
24-04-2023
Ein poppsangur um eitt óunniligt kærleikssamband.
24-04-2023
19.4.23: Hetta kvøldið í Café SALT hoyrdu vit á fyrsta sinni duettina 'Einarsson' spæla í útvarpinum. Rættiliga sannførandi bóru tey okkum klassikaran, 'Over the Rainbow'.
23-04-2023
19.4.23 Samrøðan viðgerð umstøðurnar hjá næmingunum á Heilsuskúlanum í Hovi, her hugsað verður um løn undir útbúgving og vantandi næmingaheim.
21-04-2023
19.4.23: Í næstum fara Mariann og Birita Johansen at spæla barnaleikin, Karius og Baktus, í Mentanarhúsinum SALT. Tær báðar eru eisini virknar í Suðuroyar Sjónleikarfelag.
21-04-2023
19.4.23: Fyrrverandi lærarin og formaðurin í Føroya Lærarafelag, Esmar Berg, var fyrstu gesturin ónskvøldið. Hann greiddi frá Hvalba, Sandvík, og lærarayrkinum.
21-04-2023
19.4.23: Duettin Lív Næs og Tróndur Enni hevði nógv at bjóða ónskvøldið á Drelnesi. Umframt fýra nýggjar sangir høvdu tey eisini fræga gittaristin, Óla Holbæk, við sær í SALT.
20-04-2023
19.4.23: Kaffistovan í Mentanarhúsinum SALT á Drelnesi var ónskvøldið karmur um kvøldsetu, ið send varð beinleiðis í útvarpinum. Tríggir av gestunum vóru TB menn.
20-04-2023
19. apríl var enn ein kvøldseta send úr Mentanarhúsinum SALT á Drelnesi. Frægir tónleikarar, skemtarar og frásøgufólk tóku lut. Eisini spældi Tvør. Hornorkestur eitt stykki.
20-04-2023
Annie O. Eysturoy í Vági las bókmentir á fleiri málum í Salzburg, helt fram í USA, har hon m.a. undirvísti indianarum í egnum bókmentum. Men føroyska málið var eisini við.
25-03-2023