Tey, sum hava vitjað Rótikassan í seinastuni, hava møguliga lagt til merkis, at ein ávísur orku- og ítróttardrykkur hevur verið seldur fyri lutfalsliga stórar upphæddir.

Prime eitur drykkurin, og hann fæst í fleiri ymiskum smakkum.

Síðstu dagarnar hava dømi verið um, at hálvur litur av Prime hava verið seldir fyri 200, 300 og 400 krónur í Føroyum.

Niels Uni Dam, stjóri í Nudlavirkinum, greiðir frá søguni aftanfyri Prime. Tað eru tvir menn, ið hava ómetaliga nógvar fylgjarar á You Tube, ið hava tikið stig til hann og standa fyri marknaðarføringini. Teir eru Logan Paul og KSI.

Umframt at marknaðarføra Prime hava teir tryggjað sær, at útboðið hevur verið lítið. Tað hevur havt við sær, at langar bíðirøðir hava tikið seg upp, har Prtime hevur verið selt.

Í Føroyum er í løtuni eingin heilsøla, sum umboðar Prime. Lítla útboðið ger, at hesar fløskur hava verið seldar fyri fleiri hundrað krónur fyri hvørja á netinum.