Rakstur og styrki í Betri óbroytt

- Vánaliga úrslitið hjá Betri-samtakinum í 2022 stendst av øgiliga svingandi virðisbrævamarknaðum, men raksturin og styrkin hjá øllum feløgunum í samtakinum er óbroytt, so hon er góð.

Tað sigur Aslaug Gísladóttir, nevndarforkvinna í Ognarfelag Tryggingartakaranna, sum eigur Betri-samtakið.

Hóast úrslitið kundi verið betri, so er samtakið væl fyri, sigur Aslaug Gísladóttir, sum heldur fram sum forkvinna í nevndini í Ognarfelag Tryggingartakaranna eftir aðalfundin í gjárkvøldið.

- Øll dóttirfeløgini vænta sær væl betri úrslit í ár enn í fjør, og vit vænta eisini, at íløgumarknaðurin fer at stabilisera seg aftur, sigur hon.