Føroyar eiga metið í píkakoyring

Í Føroyum kanst tú koyra við píkum í sjey mánaðir, og til samanberingar er tað hálvansjeynda mánað í Svøríki, seks mánaðir í Norra, hálvansætta í Íslandi og fimm mánaðir í Finnlandi.

Andreas Mouritsen, sum er tyrluskipari, hevur í 25 ár koyrt millum Hoyvík og flogvøllin, og hevur ongantíð havt trupulleikar av hálku. Onkuntíð hevur tó ikki verið koyrandi fyri kava.

Hann heldur, at tíðarskeiðið, har loyvt er at koyra við píkum, er óvanliga langt, tí meginpartinum av vetrinum er eingin hálka og tí als ikki neyðugt at koyra við píkum í Føroyum.

Meira verður at hoyra um hetta í tíðindunum klokkan 18, tí Dennis Holm, landsstýrismaður í ferðslumálum, ætlar sær nú at taka málið upp.