Løgmaður fer at seta sjóneykuna á gerandisdagin og haldførið

Aksel V. Johannesen fer ólavsøkudag at halda sína fimtu løgmansrøðu.

Ta fyrstu helt hann á ólavsøku í 2016. Síðani aftur í 2017, 2018 og í 2019, tá hann eisini útskrivaði val.

"Røðan fer at snúgva seg um, hvussu vit fáa gerandisdagin at hanga saman og haldførið í búskapinum," sigur Aksel V. Johannesen. 

Í løgmansrøðuni fer løgmaður at leggja fram ætlanir landsstýrisins fyri komandi árið.

Umframt røðuna, so verður eisini lagdur fram ein løglisti við teimum lógaruppskotum, sum landsstýrið hevur í hyggju at koma við komandi árið.