Nýggj tøkni krevur hægri kunningarstøði

Í dag er fyrsti lestrardagur á Setrinum eftir summarferiuna, og tað er sostatt eisini fyrsti dagur á nýggju útbúgvingini Master í Dátuvísund.

- Um ein vil gera nýtsluskipanir grundaðar á nýggju tøknina, sum nú er komin framm, krevur tað eitt hægri kunningarstøði. Tí er henda útbúgvingin serliga áhugaverd, sigur Hannes Gislason, útbúgvingarleiðari á nýggju master útbúgvingini.

Hannes Gislason

KT er eitt skjótt vaksandi øki, og tí er tørvur á eini slíkari útbúgving, heldur útbúgvingarleiðarin í Dátuvísund.

17-19 lesandi byrja á útbúgvingini Master í Dátuvísund.

Í løtuni lesa 80 fólk KT á Setrinum.