Spældu í 40 hitastigum

- Okkara spælarar eru ikki vanir við at spæla í 40 hitastigum, sigur Anna Dam, forkvinna í H71.

Tað er sera heitt í italsku oynni Sisilia í løtuni, og nógvir skógareldar hava verið um vikuskiftið, orsakað av nógva hitanum. 

Serliga er økið eystanfyri býin Palermo illa rakt av skógareldum.

Kvinnuliðið hjá H71, sum í løtuni er statt vestan fyri Palermo, hevur tó ikki merkt nakað til skógareldarnar, men hitin hevur ávirkað spælið nógv, sigur, forkvinnan í H71.