"Kringvarpið skal vera meira til staðar í telefonini hjá føroyingum"

"Talgildasnaringin er eitt av aðalmálunum," ásannar Katrin Petersen, ið er nýggjur tíðindaleiðari í Kringvarpi Føroya.

"Ein av bundnu uppgávunum í starvslýsingini var, at Kringvarpið skal vera meira til staðar í telefonini hjá fólki. Kringvarpið skal koma oftari fyri í tínari dagligu rulling eftir skerminum." 

Katrin Petersen ætlar tó eisini at styrkja álitið á og trúvirðið hjá Kringvarpinum.

Nýggi tíðindaleiðari ætlar sær tó ikki at koma brestandi inn gjøgnum dyrnar í Kringvarpi Føroya og við eitt kollvelta tað stóra arbeiðið, ið dagliga verður gjørt á tíðindadeildini í Kringvarpi Føroyar. 

"Broytingarnar fara at koma inn við lagaligheit, og tí fara hvørki starvsfólk á tíðindadeildini ella føroyingar at merkja tað beinavegin, at eg eri vorðin tíðindaleiðari," sigur Katrin Petersen, ið tekur við tíðindaleiðarastarvinum 1. januar.

Hoyr samrøðuna, ið John Johannessen gjørdi við Katrina Petersen í tíðindasendingini klokkan 18.